تجار الكبتاغون تحاصروا ووقف شغلن من صناعة وتصدير بلبنان وسوريا.
فبلبنان، وبخطوة نوعية بمواجهة تجارة الكبتاغون، نفّذ الجيش عملية دهم بمنطقة حرف السماقة بالهرمل، على الحدود مع سوريا. وبمؤازرة من مديرية المخابرات، ضبطت مواد أولية لتصنيع الكبتاغون، وتم هدم المعامل بشكل كامل. وهيدي مش أول عملية بهيدا الاتجاه بتنفذها الأجهزة الأمنية من بعد انتهاء الحرب.
أما بسوريا، فأعلن رسميا عن إيقاف جميع معامل إنتاج الكبتاغون، فشدد وزير الداخلية السوري أنس خطاب أنو تم مصادرة المعدات وبالتالي ما عاد في أي معمل شغّال حاليًا.
ومعظم معامل الكبتاغون كانت منتشرة بريف دمشق، الساحل، ومناطق قريبة من الحدود اللبنانية، وكانت تخضع لسيطرة الفرقة الرابعة، بقيادة ماهر الأسد.
يعني فهمكن كفاية مين عامل هالامارة بين الحدود اللبنانية السورية ومين المستفيد من انتشار هالمعامل ومين عمبصدرن، وليش النظامين اللبناني والسوري شانين هالحملة الكبيرة عالكبتاغون بالرغم من مرور كم شهر على انتهاء الحرب بالبلين.
الحرب عالكبتاغون هي معركة عالمخدرات او رسالة سياسية للداخل تيشوف ويفهم الخارج مدى جديتنا؟
