نمر السيارات البيومترية… فضيحة

وزارة الداخلية، ووزيرها (الخرزة الزرقا تحميه)، أطلقوا نمر السيارات البيومترية.. 

استدراج عروض سريع ومفصل مسبقا ع قياس شركة وحدة، ربح بنهايته هشام عيتاني.. 

مين هشام؟ 
هشام عيتاني، مقرب من الوزير  نهاد المشنوق، متخصص بكل شي بيومتري، من جوازات السفر والبطاقة الممغنطة ودفاتر السوق، للوحات السيارات.. 
هشام مثابر، ولان الوزير بيحبه، هو كمان ربح عبر شركة محسوبة عليه، بمناقصة تحديث وتطوير وتشغيل المحطات الحالية للمعاينة الميكانيكية..

طيب والنمر البيومترية، ذكية؟ 

صفقة الملايين، جابتلنا نمر فيها مجموعة اخطاء أهمها:

1) حجم الحرف مختلف بين لوحة والثانية 
 2) الخط الازرق يلي فيه  كلمة لبنان والارزة اللبنانية ساعة بيحطوه أفقياً وساعة عامودياً
3) الأخطر، هي اللوحات يلي ممكن تنقرا باكتر من طريقة متل الصورة!

 الرقم الاول على الشمال هو صفر أو o (واو)؟ 
ال  o شكلها دائري، ليش طلعت معهم صفر؟ 
الدراج او الرادار، كيف بيقروا الرقم ؟

طيب والأمن والأمان؟ 
شركة عيتاني طلعت بتستخدم برنامج نسخ وحفظ المعلومات الشخصية لصاحب السيارة،  لشركة Gemalto الاسرائيلية… يعني شالوم عالامن. 

بالمشبرح، في عشرات ملايين الليرات، ربح من صفقة اللوحات الذكية (الغبية).. 
ملايين للمقرب من وزير الخرزة الزرقا بعهد الإصلاح والتغيير. ولا امن ولا امان، فساد وشحار وتعتير.