ليليان نمري تتعرّض لحادث: “إنكسرت إيدي بس أنا قبضاي”

نشرت الممثلة اللبنانية ليليان نمري على حسابها عبر فيسبوك صورة لها من المستشفى حيث تعرضت لحادثة بينما كانت تنزل من السيارة أدت إلى كسر يدها.

وكتبت: “أوعا تنزلوا من سيارة قبل ما تتأكدوا انو كل شي تمام ، معكن غراضكن بإيدكن مثلا او الجاكيت مش علقانة بالباب او ما تسكر باب السيارة عالجاكيت وخاصة اذا الشوفور بلا مخ وبيقَلِع بالسيارة متل الطيارة قبل ما يتأكد انو اللي معو نزل وطبش الباب وقلو تمام”.

وأضافت: “إنتبهوا عا حالكن المجانين كترانين منكون منعرفن بس مش منتبهين انو مجانين، نشكر الله قطوع ومرق بس ولا عالبال، الحمدلله عا كل شي”.

وشكرت “الطاقم الطبي وللمسؤولين العامين و اقسام الطوارئ والأشعة بمستشفى رزق و للمحبة والرعاية والإهتمام”.

وختمت: “صحيح إنكسرت إيدي بس بقوة الرب انا قبضاي”.